Qaydalar və şərtlər
1. “Flyex” bir istehsalçı şirkət deyil və heç bir satış xidməti göstərmir. Flyex.az ünvanından qeydiyyatdan keçən hər bir istifadəçi sifariş xidmətindən yararlanaraq ödənişini şəxsi hesabından “Flyex”in əməkdaşlıq etdiyi xarici şirkətin bank hesabına köçürür. Sifariş prosesində məbləğdən asılı olaraq müəyyən ödəniş/bank komissiyası tətbiq edilir.
2. Flyex.az ünvanından qeydiyyatdan keçərək sifariş xidmətindən yararlanan istifadəçilərin “qapıda ödəniş” şərti ilə göndərdikləri sifarişlər İstanbul anbarında qəbul edilərək gömrük rüsumu ödənilir və istifadəçinin balansına borc olaraq yazılır.
3. Flyex.az, Türkiyədəki istehsalçı firmanın səhvi və ya göndərdiyi məhsulun keyfiyyəti, tərkibi, ölçüsü və forması, satış anbarında tükənməsi və ya sifarişin satıcı tərəfindən ləğv olunmasına görə heç bir öhdəlik daşımır.
4. Türkiyədəki istehsalçı firmanın sifarişləri “Flyex”in Türkiyə anbarına çatdırma müddətinə görə Flyex.az heç bir öhdəlik daşımır.
5. Flyex.az, müştərilərin verdikləri sifarişlər üzərində heç bir fərqli əməliyyat – rəng, ölçü və s. dəyişiklik aparmır.
6. Flyex.az, sifariş edilən onlayn mağazanın güvənilirliyi və ödəniş şərtləri ilə bağlı heç bir məsuliyyət daşımır.
7. Sifariş edilən məhsulda problem (məsələn, məhsulun tükənməsi, sifariş olunan ölçünün olmaması və s.) yaranarsa, istifadəçinin ödədiyi məbləğ Türkiyədəki mağaza tərəfindən kartına geri qaytarılır.
8. Bütün ödənişlər Türkiyə Respublikasının milli valyutası olan lirə ilə aparılır. Əlavə bank komissiyaları və valyuta konvertasiyası ilə bağlı “Flyex” heç bir məsuliyyət daşımır.
9. Hər hansı səbəbdən sifariş üçün ödənilən məbləğ geri qaytarılarsa, ödənilən komissiya məbləğindən asılı olaraq geri qaytarılmır.
10. İstifadəçinin etdiyi sifariş ilə bağlı hər hansı problem yaranarsa, istifadəçiyə telefon və ya digər vasitələrlə məlumat verilir.
11. Sifarişin “Flyex”in Bakı anbarına daxil olması barədə istifadəçiyə məlumat verildikdən sonra 15 gün ərzində məhsul təhvil götürülməzsə, anbarda qaldığı hər gün üçün 0.50 AZN cərimə tətbiq edilir. 45 gün ərzində bağlama götürülməzsə, bağlama aktlaşdırılır və istifadəçinin hesabından silinir. Bu halda ödənilmiş məbləğ geri qaytarılmır.
12. İstifadəçi sifariş etdiyi məhsulun qəbulundan sonra ondan imtina edərsə, heç bir məbləğ geri qaytarılmır. Həmçinin, 15 günlük cərimə ödənilmədiyi halda yeni sifariş verilə bilməz.
13. İstifadəçinin etdiyi ödənişin kartına geri qaytarılması 15 iş günü ərzində həyata keçirilir. Bəzi hallarda bu müddət bankdan asılı olaraq uzana bilər.
14. Türkiyədən edilən sifarişlərdə çatdırılma haqqı hər bağlamanın çəkisinə görə hesablanır.
15. Azərbaycan Respublikasının qanunvericiliyinə əsasən, qadağan olunmuş məhsulların sifarişi qəbul edilmir.
16. Hər bir istifadəçi verdiyi sifarişlərə görə məsuliyyət daşıyır.
17. Bağlamanın həcm çəkisi fiziki çəkidən yüksək olarsa, həcm çəkisi əsas götürülərək rüsum hesablanır. Həcm çəkisi, hava yollarında da eyni şəkildə hesablanır və “Flyex” ödənişi həcm çəkisinə əsasən həyata keçirir.
18. Həcm çəkisi aşağıdakı qaydada hesablanır: (eni × uzunluğu × hündürlüyü) ÷ 6000 = nəticədəki kq.
19. İstifadəçi əlaqə vasitələrini düzgün qeyd etmədiyi halda məlumatlandırıcı mesajları ala bilməyəcəyini və bu səbəbdən yaranan hallarla bağlı məsuliyyəti Flyex-in daşımadığını bilməlidir.